سه‌ره دانا سه‌روكێ باژێرڤانیێ به پروژان
بو پتر دیڤچوونا كار وپروژێن باژێرڤانیێ و چاوانیا ب رێڤه‌چوونا وان پروژان و رێژا ئه‌نجام دانێ سه‌روكێ باژێرڤانیێ و سه‌روكێ چڤاتا باژێرڤانیێ سه‌ره‌دانا چه‌ندین پروژان كر
روژا ٢٣ / ٥ / ٢٠١٦ ل ده‌مژمێر (١١) سپێدێ ئه‌ندازیار (احسان یحیی عثمان) سه‌روكێ سه‌روكاتیا باژێرڤانیا دهوكێ (عصمت عبدالحمن) سه‌روكێ چڤاتا باژێرڤانیێ ئه‌ندازیار (بهجت حسێن) رێڤه‌به‌رێ رێڤه‌به‌ریا باژێرڤانیا روژهه‌لات و هه‌روه‌سا دگه‌ل تیمێ ته‌كنیكار
١- سه‌ره‌دانا پروژێ ڤه‌كرنا و قێركرنا جادا ناڤ خوی ل پارچا (٢٠) كه‌رتێ (٨٥) نزاركێ نزاركا نویی قوناغا ئێكێ دا
هه‌روسا ڤه‌كرن و قێركرنا جادێن نزاركێ پارچا(٢٠) كه‌رتێ (٨٥) قوناغا دوویێ ، ئه‌ڤ پروژه ژبو دجه‌یا گه‌شه پێدانا هه‌رێمێ یه و راسته‌و خو دهێته ئه‌نجام دان و كوژمێ بو هاتیه ته‌رخانكرن بو هه‌ردوو قوناغان (ملیاره‌ك و چوارسه‌د و حه‌فتێ و پێنچ هه‌شت سه‌دو چل و سێ هزار )دینارن رێژا كارێ ١٠% و ژلایێ كومپانیا (دارین ) ڤه دهێته جێ به‌جێ كرن ، ل سه‌ر كه‌تواری سه‌روكێ باژێرڤانیێ باس ل ئه‌وان ئاریشا كر ئه‌وێن دكه‌ڤنه رێكا كاریدا و داخواز ژی كر كو ب زیترین ده‌م پروژه بهێته ئه‌نجام دان و بكه‌ڤیته دخزمه‌تا هاوه‌لاتیان دا
٢- هه‌روه‌سا هه‌ر ئه‌ڤرو سه‌روكێ باژێرڤانیێ و تیمێ دگه‌ل دا سه‌ره‌دانا (كارگه‌ها تێكه‌لوكا ناڤهندی) ژبو باژێرڤانیێ كر نوكه كارگه‌هه‌ك یا دهێته دانان یا تێكه‌لوكا ناڤهندی ژبو نێزیك ئاگه‌هدارون ل سه‌ر ره‌وشا كارگه‌هێ سه‌ره‌دان هاته كرن ، كو ئه‌ڤ ده‌مه‌كه كار ل سه‌ر دهێته كرن و قوناغێن باش ده‌ربازكرینه ، سه‌روكێ باژێرڤانیێ داكو كی لسه‌ر هندێ كر كو ب له‌ز كاربهێته ئه‌نجام دان داكو سه‌روكاتی بشێت ب شێوه‌یه‌كێ باشتر خزمه‌تا دهوكێ بكه‌ت
٣- هه‌روه‌سا سه‌روكێ باژێرڤانیێ و سه‌روكێ چڤاتا باژێرڤانیێ و رێڤه‌به‌رێ باژێرڤانیا روژهه‌لات و تیمێ كه‌نیكار سه‌ره‌دانا (مه‌یدانكا ) روژا ئه‌ینێ دا مه‌به‌ست ژ سه‌ره‌دانێ ژبو رێكخستنا مه‌یدانێ یه و گه‌نگه‌شه ل سه‌ر هندێ هاته كرن داكو ب شێوه‌یه‌كێ مودرێن بهێته دروست كرن و ب كه‌ڤیته دخزمه‌تا هاوه‌لاتیان دا
٤- دیسان تیمێ ناڤبری و هه‌روه‌سا ئه‌ندازیار (ملله‌ت سالم ) رێڤه‌به‌رێ باژێرڤانیا روژئاڤا سه‌ره‌دانا پروژێ ڤه‌كرن و قێركرنا جادا ٣٠م پارچا (١٦) كه‌رتێ (٨٢) دهوك روژئاڤا دهوكا باكوردا ، ، قوناغا دوویێ یا پروژه سه‌ر ب بودجه‌یا ( وه‌زاره‌تا شاره‌وانی و گه‌شت و گوزاره) و راسته و خوو دهێته ئه‌نجام دان كوژمێ بو هاتیه ته‌رخان كرن ( هه‌شت سه‌دو چل ملیون و نه‌ه سه‌د و بیستو سێ هزارن ) رێژا كاری ژێ هاتیه ئه‌جام دان ٧٠%
