باژێرێ دهوكێ ئه‌ندامه د رێكخراوا باژێرێن ئێكگرتی وحكومه‌تێن نافخویی
یادیاره هه‌رێما كوردستانێ پێگه‌هه‌كێ مه‌زن گرتیه دهه‌ڤكێشا سیاسه تا ده‌ڤه‌را روژهه‌لات ناڤین و ل سه‌ر ئاستێ نیڤ ده‌ولتی دیسان حكومه‌تا هه‌رێمێ ژی سیاسه‌ته‌كا رون وئاشكرا هه‌یه په‌یوه‌ندیێن هه‌رێمێ دگه‌ل ده‌وله‌تێن هه‌ڤسوی ویێن دونیایێ ل سه‌ر بنگه‌هێ رێزگرتنێ وپاراستنا به‌رژه‌وه‌ندیێن دبلوماسی و ئابووری وره‌وشه‌نبیری وپتر دانه‌ناسینا هه‌رێما كوردستانێ
رولێ باژێرڤانیان ژی جهه‌كێ مه‌زن ڤه‌دگریت ژبوخورتكرنا په‌یوه‌ندیێن باژێرڤانیان دهه‌می بیاڤاندا ومفا وه‌رگرتن ژ سه‌ربورا باژێرڤانیان دا وپلان وپروژێن هه‌فچه‌رخ وهه‌مه‌جور ژبو به‌خته‌وه‌ریا مروڤان هه‌ردیسان ئه‌ڤ په‌یوه‌ندیه دبنه بنگه‌هێ ئاشتی وپێكڤه ژیانێ
باژێرڤانیا دهوكێ ژی ده‌ستپێشخه‌ره ژبو په‌یدا كرنا په‌یوه‌ندیان دگه‌ل باژێرێن دی وئه‌ڤان په‌یوه‌ندیان به‌رهه‌مه‌كێ مه‌زن بخو ڤه گرتیه
ژبو ڤێ مه‌ره‌مێ ل رێكه‌فتی ١٣ / ٨ / ٢٠١٣ و ل دویف داخوازه‌كا فه‌رمی ژ لایێ رێكخراوا باژێرێن ئێكگرتی وحكومه‌تێن نافخویی ل روژهه‌لاتا نافین وروژئاڤا ئاسیا ئه‌ندازیار(شه‌وكه‌ت محه‌مه‌د امین) سه‌روكێ باژێرڤانیا دهوكێ سه‌ره‌دانا باره‌گایێ رێكخراوێ ل ئه‌سته‌مبولێ كرو ژلایێ به‌رێز (محه‌مه‌د دومان)به‌رپلاسێ رێكخراوێ ب گه‌رمی هاته پێشوازی كرن
دڤێ هه‌ڤدیتنێ دا به‌رپرسێ رێكخراوێ گه‌له‌ك ب باشی رولێ كارو پروژێن باژێرڤانیا دهوكێ هه‌لسه‌نگاندن دیسان ئه‌و پێشكه‌فتن و وه‌رارا كه‌تیه باژێرێ دهوكێ وئه‌نجامدانا چه‌ندین پره‌ژێن ستراتیژی و خزمه‌تگوزاری كو نوكه دهوك بویه باژێروكێ پێشكه‌فتی دهه‌می ئالیان دا دیسان ئه‌و ده‌ستكه‌فتنا مه‌زن یا بلژێرڤانیا دهوكێ كو بویه ئه‌ندام دڤێ رێكخراوێ دا ل ٢٤ / ٤ / ٢٠١٣
جهێ ئاماژێیه كو ئه‌ڤ رێكخراوه یا نیڤ ده‌وله‌تی یه نیزیكی (١٣٦) باژێرێن مه‌زن وگرنگ ئه‌ندامن تێدا
ئه‌ڤ پێنگاڤه یا پیروزه ژبو باژێرێ مه ودانه‌ناسینا باژێرێ مه دیسان مفا وه‌رگرتن ژ سه‌ربورا باژێرێن دونیایێ دبیاڤێ پروژان دا ده‌رگه‌هه‌كه ژبو باژێرێ مه داكو دونیا سه‌رده‌م وپێشكه‌فتی تێدا بینیت و باژێرێ مه ژی بگه‌هیته ئاسته‌كێ بلند و ژ هه‌ژی
