سه‌ره‌دانا سه‌روكێ باژێرڤانیێ بو پروژێن ئوڤه‌ر پاسا ئێتیتێ و جادا ١٠٠م ل نزاركێ
ژبو پتر نێزیك سه‌حكرنا كاری و دیفچونا ئه‌نجام دانا چه‌وانیا كارو پروژێن سه‌روكاتیا باژێرڤانیا دهوكێ باژێرڤانیێ سه‌ره‌دانا ئوڤه‌رپاسا ئێتیتێ و جادا ١٠٠م ل نزاركێ دا
ئه‌ڤرو ١ / ١٠ / ٢٠١٣ سه‌روكێ باژێرڤانیا دهوكێ ئه‌ندازیار (شه‌وكه‌ت محه‌مه‌د ئه‌مین ) سه‌ره‌دانا پروژێ ئوڤه‌رپاسا ئێتیتێ و پروژێ چێكرنا جادا ١٠٠م ل نزاركێ دا داكو ئاریشێن دكه‌ڤنه درێكا هاولاتیان دا بهێنه چاره‌سه‌ركرن چونكی ئه‌ڤ جهه قه‌ره‌بالغه‌كا زور ل سه‌ر هه‌یه و ب ئه‌نجامدانا ڤان پروژان دێ خزمه‌ته‌كا مه‌زن بو هاولاتیان هێته كرن ژوان ژی پروژێ ئوڤه‌رپاسا ئێتیتێ كو ماوێ پروژه‌ی ٦٥٠ روژن و ده‌ستپێكا كاری ل ٢٧ / ٢ / ٢٠١٢ و كوژمێ پروژه‌ی ١٧ملیار دینارن و ب درێژاهیا ١٣٥٠م و فره‌هیا ١٥م و رێژا كاری ٨٠% ژێ هاتیه ئه‌نجامدان و ئه‌ڤ پروژه ل ژێر سه‌رپه‌رشتیا ئه‌ندازیار (سه‌عدولا محه‌مه‌د) دهێته ئه‌نجامدان
و هه‌ر دیسان پروژێ چێكرنا جادا ١٠٠م ل نزاركێ بدرێژاهیا ٦٠٠م و فره‌هیا ١٠٠م و كوژمێ بو هاتیه ته‌رخانكرن نێزیكی ٢٨ملیار دینارانه و ئه‌ڤ كاره ل ٥ / ٨ / ٢٠١٢ ده‌ست پێكریه و ماوێ پروژه‌ی ٥٠٠ روژن تانوكه رێژا كاری ٤٥% ئه‌ڤ كاره ل ژێر سه‌رپه‌رشتیا ئه‌ندازیار(ملله‌ت محه‌مه‌د سالم ) دهێته ب جهئینان
